സിംഹം, എലി, മരപ്പട്ടി മുതലായവ

ദിക്കുകള്‍ ഭേദിക്കുമാറ്,

അലറിയിട്ടില്ല ഞാന്‍ !

ഒരു കുഞ്ഞി മുയല്‍ പോലും,

എനിക്ക് പാദസേവ ചെയ്തിട്ടില്ല,

വര്‍ണ്ണശബളമായ ഗാഥകള്‍ ചൊല്ലി,

ഒരു ചരിത്ര പുസ്തകവും

എന്റെ പേര്‍ ചേര്‍ത്ത് വച്ചിട്ടില്ല.

എങ്കിലുമെനിക്ക് നൃത്തം ചെയ്യാനറിയാം,

പ്രപഞ്ചത്തിന്റെ അതിരുകള്‍ വരെ!

അതിനാല്‍ തന്നെ ആ സിംഹം,

വിലോഭനീയമായ തന്റെ

നേത്രങ്ങളാല്‍ കടാക്ഷിക്കിലും,

എനിക്ക് അനുതാപം തോന്നുന്നു.

പണ്ട്, പണ്ടുപണ്ട് ,

പ്രണയ സൂക്തങ്ങള്‍ ചെവിയില്‍ മൂളി ,

ഞാനതിനരികില്‍ ചുറ്റിത്തിരിഞ്ഞു പോല്‍ !

പക്ഷെ , ചങ്ങലയില്‍ ബന്ധിച്ചിരുന്നു
അതിന്റെ കാലുകളെന്നു
സ്വപ്നവും ഞാന്‍ കണ്ടിരുന്നില്ല.